6- §. TENGLAMA VA UNING
YECHIMLARI
Ushbu masalani yechaylik.
Masala. Qalam va
chizg‘ich 370 so‘m turadi. Qalam chizg‘ichdan 90 so‘m
arzon. Chizg‘ichning
bahosini toping.
Aytaylik, chizg‘ich x so‘m bo‘lsin, u holda qalam (x–90) so‘m turtadi. Masalaning shartiga ko‘ra
x+(x–90)=370
bundan 2x–90=370,
2x=460,
x=230
Javob. Chizg‘ich 230 so‘m turadi.
x+(x–90)=370 tenglikda x harfi noma’lum sonni yoki qisqacha
noma’lumni bildiradi.
Harf bilan belgilangan noma’lum son qatnashgan tenglik tenglama deyiladi.
Tenglik ishorasidan chap va o‘ngda turgan ifodalar tenglamaning chap va o‘ng qismlari deyiladi.
Tenglamaning o‘ng va chap qismidagi har bir
qo‘shiluvchi tenglamaning hadi deyiladi.
2x – 90 = 370 tenglamada chap qism 2x – 90, o‘ng qism esa
370. So‘ngra x = 230 bo‘lganda shu
tenglamaning chap qismi 370
ga teng, chunki 2 · 230 – 90 = 370;
o‘ng qismi ham 370 ga. Demak,
x = 230 bo‘lganda
bu tenglama to‘g‘ri tenglikka aylanadi: 2 · 230 – 90 = 370. Shu 230 sonini berilgan
tenglamaning ildizi deyiladi.
Tenglamaning ildizi deb, noma’lumning shu
tenglamani to‘g‘ri
tenglikka aylantiradigan qiymatiga aytiladi.
Masalan, 1 soni
2x+3=5
tenglamaning ildizi, chunki 2·1+3=5 – to‘g‘ri tenglik.
Tenglama ikkita, uchta va hokazo ildizlarga ega bo‘lishi mumkin.
Masalan,
(x–1)(x–2)=0
tenglama ikkita ildizga ega: 1 va 2, chunki x=1 va x=2 da tenglama to‘g‘ri tenglikka aylanadi.
(x–3)(x+4)(x–5)=0
tenglama esa uchta ildizga
ega: 3, –4 va 5.
Tenglama ildizlarining soni cheksiz ko‘p
bo‘lishi mumkin.
Masalan,
2(x–1)=2x–2
tenglamaning ildizlari soni cheksiz ko‘p: x ning istalgan qiymati tenglamaning ildizi bo‘ladi, chunki har bir x
da tenglamaning chap qismi o‘ng qismiga teng.
Tenglama ildizga ega bo‘lmasligi ham mumkin.
Masalan,
2x+5=2x+3 tenglamaninh illdizi yo‘q, chunki x ning istalgan qiymatida bu tenglamaning chap qismi o‘ng qismidan katta bo‘ladi
Tenglamani yechish – bu uning barcha ildizlarini topish
yoki ularning yo‘qligini ko‘rsatish demakdir.
Sodda hollarda
x ning tenglamaning ildizi bo‘ladigan qiymatini
tanlash oson bo‘ladi. Masalan, 2x+1=3 tenglamaning ildizi 1 soni ekanligini
osongina ko‘rish mumkin.
Biroq ancha murakkab holda ildizni birdaniga
topish oson bo‘lmaydi.
Masalan,
tenglama x=7 bo‘lganda to‘g‘ri tenglikka aylanishini bilish ancha qiyin. Shuning uchun
tenglamalarni yechishni o‘rganish muhim.
Ko‘pgina amaliy masalalarni yechish
ko‘rinishda keltiriladigan tenglamalarga olib keladi, bunda a va b –
berilgan sonlar, x –
noma’lum son. (1)
tenglama chiziqli tenglama deyiladi.
Masalan,
3x=1, –2x=3,
x= – chiziqli tenglamalardir.
TAYANCH TUSHUNCHALAR:
Tenglama, tenglama hadi, tenglamaning ildizi, tenglamani yechish, chiziqli tenglama.
|