M a sh q l a r

 

26.     Jumlalarni matematik tilde yozing:

1)    m va n sonlarning yig‘indisini;

2)    a va b sonlar ayirmasini;

3)    a va b sonlar ayirmasining ikkilanganini;

4)    m va n sonlar ko‘paytmasining ikkilanganini;

5)    n  va m sonlar yig‘indisini ularning ayirmasiga bo‘lganda bo‘linmani;

6)    a va b sonlar yig‘indisini ularning ayirmasiga ko‘paytmasini.

 

27.      Quyidagi ifodalarda harflar qanday sonlarni ifodalashi mumkin:

1)    tanaffus n minut davom etadi;

2)    sinfimizda y nafar o‘quvchi bor;

3)    VII sinfda x ta o‘quv fani o‘qitiladi;

4)    bir oyda k kun bor?

 

28.      Yerning sun’iy yo‘ldoshi 9 km/s tezlik bilan harakat qiladi. Ushbu jadvalni to‘ldiring:

Bosib o‘tilgan masofa, km

45000

1350000

Harakat vaqti, s

 

 

 

29.      “Spark” avtomobili 100 km yo‘lga a litr yonilg‘i sarf qiladi. Ushbu jadvalni to‘ldiring:

Bosib o‘tilgan masofa, km

300

800

1000

 

 

s

Yonilg‘i sarfi, l

 

 

 

5a

4a

 

 

30.      Birinchi qopda m kilogramm, ikkinchi qopda esa birinchi qopdagidan n kilogramm kam un bor. Ikkinchi qopda necha kilogramm un bor? Masalani 1) m=50 va n=12; 2) m=45 va n=15 hollar uchun yeching.

 

31.      Piyoda 1 soatda 5 km yo‘l bosadi. U 3 soatda necha kilometr yo‘l bosadi? k soatda-chi?

 

32.      Do‘konga har birida 50 kg dan un bo‘lgan a qop keltirildi. Do‘konga necha kilogramm un keltirildi?

 

33.      Bog‘bonlar bir kunda 15 ga yerni haydaydi. Brigada a kunda necha ga yer haydaydi?

 

34.      Har biri x so‘mdan 6 ta daftar va har biri y so‘mdan 3 o‘ram qog‘oz sotib olindi. Hamma xarid qancha turadi?

 

35.      Yuk mashinasi do‘konga ombordan har biri a kilogrammdan 15 yashik olxo‘ri va har biri b kilogrammdan 20 yashik olma keltirildi. Do‘konga necha kilogramm meva keltirildi?

 

36.      Mashinaga har biri m kilogrammdan a qop bug‘doy va har biri n kilogrammdan c qop arpa yuklandi. Mashinaga necha kilogramm don yuklangan?

 

37.      To‘g‘ri to‘rtburchak shaklidagi maktab tajriba maydonining bo‘yi a metrga teng, eni esa bo‘yidan b metr qisqa. Shu maydonning yuzi S ning formulasini yozing.

 

38.      Kinoteatrda har biri n ta o‘rindiqqa ega bo‘lgan m ta qator va yana k ta qo‘shimcha o‘rindiq bor. Kinoteatrda hammasi bo‘lib nechta o‘rindiq bor? Masalani yechish formulasini tuzing va m=30, n=25, k=60 bo‘lganda hisoblashlarni bajaring.

 

39.      Dars jadvalida 5 ta dars, ikkita 15 minutlik va ikkita 10 minutlik  tanaffus bo‘lgan kuni o‘quvchi  maktabda necha soat boladi? (1 dars – 45 minut).

 

40.      O‘lchamlari 2- rasmda ko‘rsatilgan shakllarning perimetrlarini va yuzlarini hisoblash uchun formulalar yozing.

 

41.      To‘g‘ri to‘rtburchakning bo‘yi kvadratning tomonidan 8 m uzun, eni esa shu kvadrat tomonidan 4 m qisqa. Kvadrat tomonini biror harf bilan belgilab, to‘g‘ri to‘rtburchak uchun: 1) tomonlarining uzunligini; 20 perimetrini; 3) yuzini yozing.

 

42.      Avtobus t soatda s kilometr yo‘l bosadi. avtomobil xuddi shu yo‘lni avtobusdan 1 soat oldin bosib o‘tishi uchun qanday tezlikka ega bo‘lishi kerak?

 

43.      x=2a+3b (km) formula avtobusning harakati haqidagi masala yechilishini bildiradi. Masala shartini tuzing.

 

44.      Maktab tajriba maydoni a kvadrat yuzaga ega. Bog‘ yuzi 1500 m2 bo‘lgan joyni egallagan, qolgan maydon 20 ta bir xil maydonchaga bo‘lingan. Shu maydonchalarning har biri qanday yuzaga ega?

 

45.      Bankka 50000 so‘m pul qo‘yildi. Bir yildan so‘ng jamg‘arma p% ga ko‘paydi. Bir yildan keyin jamg‘armaning miqdori necha so‘mga yetdi?

 

46.      Asosi a dm, perimetri esa 42 dm bo‘lgan to‘g‘ri to‘rtburchakning yuzini hisoblash uchun ifoda tuzing. a ning ushbu jadvalda keltirilgan qiymatlari uchun to‘g‘ri to‘rtburchak yuzi S ning qiymatini (dm2 larda) hisoblang:

a

5

6

7,5

10

12

12,5

15

S

 

 

 

 

 

 

 

 

47.      Velosipedchi soatiga v kilometr tezlik bilan harakat qilmoqda. U jo‘nash joyidan s kilometr uzoqlikda bo‘lgan qishloqqa borishi kerak. Agar u 3 km yo‘lni bosib o‘tgan bo‘lsa, unga qishloqqa yetib borishi uchun yana qancha vaqt talab qilinadi? Agar u 3 km yurgan va s=36, v=12 bo‘lsa, qishloqqa 2,5 soatda yetib bora oladimi?

 

48.        Bir avtomobil 100 km yo‘lga o‘rtacha 5 l, ikkinchi avtomobil esa 100 km yo‘lga o‘rtacha 10 l benzin sarflaydi. Har bir avtomobil bakida a l benzin bo‘lsa, ular qanday masofaga bora oladi? Agar a=20 l va avtomobillar Toshkentdan bir vaqtda Samarqandga qarab yo‘lga chiqishgan bo‘lsa, qaysi mashina Samarqandga yetib kela oladi? (Toshkent va Samarqand orasidagi masofa 300 km).