19- §.
UMUMIY KO‘PAYTUVCHINI QAVSDAN
TASHQARIGA
CHIQARISH
1- m
a s a l a. 1- bog‘ tomoni
427 m bo‘lgan kvadrat shaklida. Unga tutashgan 2- bog‘ to‘g‘ri to‘rtburchak shaklida bo‘lib, uning eni
427 m, bo‘yi esa 573 m. Bog‘larning maydoni birgalikda necha gektarni tashkil etadi (19- rasm)?
Agar
a=427
m, b=573
m belgilash kiritsak, izlanayotgan maydon S=a2+ab (m2)
bo‘ladi.
Bu ifodaga a va
b ning qiymatlarini qo‘yib hisoblash vaqtni oladi. Ammo ikkala bog‘ning birgalikdagi maydoni S ni a·(a+b) ko‘paytma ham ifodalaydi, ya’ni a2+ab=a·(a+b) (rasmga qarang). a2+ab ifoda unga teng bo‘lgan a·(a+b) ifodaga almashtirilsa,
hisoblash ishi ancha soddalashadi. Chindan ham, a2+ab = a·(a+b) =
427·(427+573) = 427 000 (m2) = 42,7 (ga).
Javob:
42,7 ga.
Hisoblashlarni soddalashtirish uchun a2+ab ko‘phad a·(a+b) ko‘paytma bilan almashtirildi.
Ko‘phadni ikkita yoki bir nechta ko‘phadlar
ko‘paytmasi shaklida ifodalash ko‘paytuvchilarga ajratish (yoyish)
deyiladi.
Ko‘phadni ko‘paytuvchilarga ajratish algebraik ifodalar ustida amallar bajarishda ham keng qo‘llaniladi.
2- m
a s a l a. ab + ac – ad ifodaning a = 43, b = 26, c = 17, d = 23 bo‘lganda son qiymatini toping.
Hisoblashlarni quyidagicha olib boramiz:
43 · 26 + 43 · 17 – 43 ·
23 = 43 · (26 + 17 – 23) = 43 · 20 = 860.
Bu yerda ko‘paytirishning taqsimot qonuni qo‘llanilgan:
ab + ac – ad = a·(b + c – d).
43 · 26 + 43 · 17 – 43 · 23 sonli ifodada umumiy
ko‘paytuvchi 43 soni bo‘ladi: ab + ac – ad algebraik ifodada esa umumiy
ko‘paytuvchi a bo‘ladi.
Agar ko‘phadning barcha (son yoki harfiy) hadlari umumiy ko‘paytuvchiga ega bo‘lsa, u holda
shu ko‘paytuvchini qavsdan tashqariga chiqarish mumkin.
Qavs ichida berilgan ko‘phadni shu
umumiy ko‘paytuvchiga bo‘lish natijasida hosil qilingan ko‘phad qoladi.
3- m
a s a l a. Ushbu ko‘phadni
ko‘paytuvchilarga ajrating:
6ab
+ 3b – 12bc.
Berilgan ko‘phadning barcha
hadlari 3b umumiy ko‘paytuvchiga ega, chunki
6ab = 3b ·
2a, 3b
= 3b · 1, –12bc = 3b
· (–4c).
Demak, 6ab + 3b – 12bc = 3b·(2a + 1 – 4c).
Ko‘phadning umumiy hadini tayin
sharoitga qarab, qavsdan tashqariga “+” ishorasi bilan ham, “–” ishorasi bilan ham chiqarish mumkin. Misollar keltiramiz:
1)
ab – b = b·(a – 1) = –b·(1 – a);
2)
4a2b3
– 6a3b2 = 2a2b2·(2b
– 3a) yoki
4a2b3 –
6a3b2 = –2a2b2·(–2b + 3a) = –2a2b2·(3a
– 2b).
Shunday qilib, ko‘phadni
umumiy ko‘paytuvchini qavsdan tashqariga chiqarish yo‘li bilan ko‘paytuvchilarga ajratish uchun:
1)
shu umumiy ko‘paytuvchini
topish;
2)
uni qavsdan
tashqariga chiqarish kerak.
Agar ko‘phad
hadlarining koeffitsiyentlari
natural sonlar bo‘lsa, u holda umumiy ko‘paytuvchini
topish uchun ko‘phad hadlari koeffitsiyentlarining eng katta umumiy bo‘luvchisini
topish va bir xil asosli
darajalar orasidan esa eng kichik
ko‘rsatkichli darajani topish lozimligini ta’kidlab o‘tamiz.
Masalan, 28x2b3–21x3b2
ko‘phadni ko‘paytuvchilarga ajratib quyidagini hosil qilamiz:
7x2b2·(4b – 3x).
Bu yerda 7 soni 28 va
21 sonlarning eng katta umumiy
bo‘luvchisi, x2 va b2 esa x va b ning eng kichik ko‘rsatkichli
darajalaridir.
Ko‘phadni ko‘paytuvchilarga ajralganligining
to‘g‘riligini hosil bo‘lgan ko‘phadlarni ko‘paytirish yo‘li bilan tekshirish mumkin. Masalan, ko‘paytirishni bajarib,
hosil qilamiz:
7x2b2(4b–3x)=28x2b3–21x3b3.
Umumiy ko‘paytuvchi ko‘phad
bo‘lishi ham mumkin, masalan:
1)
5(a + b) + x(a
+ b) = (a + b)(5 + x);
2)
3x(a – 2b) + 5y(a – 2b)
+ 2(a – 2b) = (a –2b)·(3x + 5y + 2).
Ba’zan umumiy ko‘paytuvchini
qavsdan tashqariga chiqarishdan oldin a – b = – (b – a) tenglikni
qo‘llash foydali bo‘ladi,
masalan:
1)
(a – 3)x –
(3 – a)y = (a – 3)x + (a – 3)y = (a
– 3)(x + y);
2)
15a2b·(x2
– y) – 20ab2·(x2 – y) +
25ab·(y – x2) = 15a2b· (x2
– y) – 20ab2·(x2 – y) –
25ab·(x2 – y) = 5ab·(x2 –
y)(3a – 4b – 5).
TAYANCH TUSHUNCHALAR:
Ko‘paytuvchilarga ajratish,
qavsdan tashqariga
chiqarish, ko‘paytuvchilarga ajratish
uchun ...
|