23- §. KO‘PHADNI
KO‘PAYTUVCHILARGA AJRATISHNING
BIR
NECHA USULLARINI QO‘LLASH
Ko‘phadni ko‘paytuvchilarga ajratishda ba’zan bir
emas, balki bir necha usullar qo‘llaniladi.
Misollar
keltiramiz:
1)
a3–a ko‘phadni ko‘paytuvchilarga ajrating:
a3–a=a(a2–1)=a(a–1)(a+1).
Bu yerda ikkita usuldan foydalanilgan: umumiy ko‘paytuvchini qavsdan tashqariga chiqarish va
kvadratlar ayirmasi formulasini
qo‘llash.
2)
(a2+1)2–4a2 ko‘phadni
ko‘paytuvchilarga ajrating:
(a2+1)2–4a2=((a2+1)–2a)((a2+1)+2a)=(a2+1–2a)(a2+1–2a)=
=(a2–2a+1)(a2+2a+1)=(a–1)2(a+1)2.
Bu yerda qo‘shiluvchilar umumiy ko‘paytuvchiga
ega emasligi sababli, avval kvadratlar ayirmasi
formulasidan foydalanildi, so‘ngra yig‘indi
va ayirma kvadratlarining formulalaridan
foydalanildi. Yana bir misol yechib ko‘raylik:
3)
4x2–y2+4x+2y=(4x2–y2)+(4x+2y)=
=(2x–y)(2x+y)+2(2x+y)=(2x+y)(2x–y+2).
Birhadlar umumiy ko‘paytuvchiga ega bo‘lmagani va
biror formulani qo‘llash mumkin bo‘lmagani uchun, avval guruhlash usulidan foydalanildi, so‘ngra esa kvadratlar ayirmasi formulasi qo‘llanildi.
Ko‘rib
chiqilgan bu misollar ko‘phadni ko‘paytuvchilarga ajratishga doir
topshiriqlarni bajarishda quyidagi tartibga rioya qilish foydali ekanligini
ko‘rsatadi:
1)
umumiy ko‘paytuvchini
(agar u bor bo‘lsa) qavsdan tashqariga chiqarish;
2)
ko‘phadni qisqa
ko‘paytirish formulalari bo‘yicha ko‘paytuvchilarga ajratishga urinib ko‘rish;
3)
guruhlash usulini, agar
oldingi usullar maqsadga olib kelmasa, qo‘llashga harakat qilish.
M a s a l a .
Tenglikni isbotlang:
(1)
Tenglikning o‘ng tomonidagi qavslarni ochamiz:
(a+b)(a2–ab+b2)=a3–a2b+ab2+a2b–ab2+b3=a3+b3.
Tenglikning o‘ng tomoni chap tomoniga tengligi
kelib chiqdi, ya’ni (1) tenglik isbot qilindi.
Xuddi
shu kabi
(2)
tenglikning to‘g‘riligi isbotlanadi.
(1) va (2)
tengliklar mos ravishda kublar yig‘indisi
va ayirmasi deb ataladi. Bu formulalar ham ko‘phadni
ko‘paytuvchilarga ajratishda qo‘llaniladi.
Masalan:
1)
27+b3=(3+b)(9–3b+b2);
2)
x4–8xy3=x(x3–8y3)=x(x–2y)(x2+2xy+4y2).
TAYANCH TUSHUNCHALAR:
Ko‘phadni
ko‘paytuvchilarga ajratish, Kublar
yig‘indisi formulasi, Kublar ayirmasi
formulasi.
|