7- §. BIR NOMA’LUMLI TENGLAMALARNI YECHISH

Al-Xorazmiyning “Kitob al-muxtasar fi hisob al-jabr val-muqobala” asaridagi al-jabr musbat hadlarni tiklash, yani manfiy hadlarni tenglamaning ikkinchi qismiga musbat qilib o‘tkazishni, va muqobala esa tenglamaning ikkala qismidan teng hadlarni tashlab yuborishni bildirgan.

Bir noma’lumli tenglamalarni yechish to‘g‘ri tengliklarning sizlarga ma’lum xossalariga asoslangan ekanligini ko‘rsatadi.

Shu xossalarni eslatib o‘tamiz:

Xossaning so‘z bilan ifodalanishi	Xossaning umumiy ko‘rinishda yozilishi	Misol
1. Agar to‘g‘ri tenglikning ikkala qismiga bir xil son qo‘shilsa yoki ikkala qismi-dan bir xil son ayirilsa, u holda to‘g‘ri tenglik hosil bo‘ladi. 2. Agar to‘g‘ri tenglikning ikkala qismini bir xil songa kopaytir’ilsa yoki ikkala qismini nolga teng bo‘magan bir xil songa bo‘linsa, u holda to‘g‘ri tenglik hosil bo‘ladi	Agar a=b bo‘lib, l ixtiyoriy son bo‘lsa, u holda a+l=b+l, a–l=b–l bo‘ladi. Agar a=b bo‘lib, m≠0 bo‘lsa, u holda a ^.m=b ^.m va a : m=b : m bo‘ladi.	7=7 7+2 = 7+2 7–2 = 7–2 27=27 27^.3 = 27^.3 27:3 = 27:3

Birinchi hossadan qo‘shiluvchilarni, ularning isholarini qarama-qarshisiga, almashtirib, tenglikning bir qismidan ikkinchidan ikkinchi qismiga olib o‘tish mumkinligi kelib chiqadi.

Aytaylik, a=b+m bo‘lsin. U holda

a+(–m)=b+m+(–m); a–m=b .

Tengliklarning bu xossalari tenglamalarni yechishda qanday qo‘llanishini ko‘raylik.

1- masala. 9x–23 = 5x–11 tenglamani yeching.

x son berilgan tenglamaning ildizi, ya’ni x sonki, bunda tenglama to‘g‘ri tenglikka aylanadi deb faraz qilamiz.

Noma’lum qatnashgan 5x hadni “–” ishora bilan tenglikning chap qismiga, –23 hadni “+” ishora bilan o‘ng qismiga olib o‘tamiz. Natijada yana to‘g‘ri tenglik hosil bo‘ladi:

9x–5x = 23–11.

Tenglamaning ikkala qismidagi o‘xshash hadlarni ixchamlab,

4x = 12

tenglamani hosil qilamiz.

Bu tenglamaning ikkala qismnini 4 ga bo‘lib, x = 3 ekanini topamiz.

Shunday qilib, tenglama ildizga ega, deb faraz qilib, bu ildiz faqat 3 soniga teng bo‘lishi mumkinligini ko‘rdik. x=3 haqiqatdan ham berilgan tenglamaning ildizi bo‘lishini tekshiramiz: 9^.3–23=5^.3–11. Bu to‘g‘ri tenglik, chunki uning chap va o‘ng qismlari birgina 4 soniga teng.

Demak, berilgan tenglama faqat bitta ildizga ega: x = 3.

Tekshirishni bajarmaslik ham mumkinligini ta’kidlaymiz, chunki tenglikning foydalanilgan xossalari bir to‘g‘ri tenglikni ikkinchi to‘g‘ri tenglik bilan almashtirishga imkon beradi. Yechishning bu usulida har doim to‘g‘ri natija hosil qilinadi (agar hisoblashlarda xatoga yo‘l qo‘yilmasa, albatta).

Tenglama yechilishini yozishda 1- masalani yechishdagidek batafsil yozma tushuntirishlarni bajarish shart emas.

Masalan, 5x+17=2x+5 tenglamaning yechilishini shunday yozish mumkin:

5x+17=2x+5, 3x=–12, x=–4.

Javob: x=–4.

2- masala. 2(x+3)–3(x+2)=5–4(x+1) tenglamani yeching.

Tenglamaning chap va o‘ng qismlarini soddalashtiramiz: qavslarni ochamiz va o‘xshash hadlarni ixchamlaymiz. Natijada 2x+6–3x–6=5–4x–4, –x=–4x+1 tenglamani hosil qilamiz.

Demak, 3x=1, bundan .

3- masala. tenglamani yeching.

Tenglamaning ikkala qismini kasrlarning umumiy maxrajiga, ya’ni 6 ga ko‘paytiramiz. U holda

, 15x–2(x–3)=6+(x–5).

Qavslarni ochamiz va o‘xshash hadlarni ixchamlaymiz:

15x–2x+6=6+x–5, 13x+6=x+1,

bundan 12x=–5, .

Shunday qilib, tenglamani yechishda tenglamaning quyidagi asosiy xossalaridan foydalaniladi.

1-xossa. Tenglamaning istagan hadi ishorasini qarama-qarshisiga o‘zgartirib, uning bir qismidan ikkinchi qismiga o‘tkazish mumkin.

2-xossa. Tenglamaning ikkala qismini nolga teng bo‘lmagan bir xil songa ko‘paytirish yoki bo‘lish mumkin.

Bu xossalar istagan bir noma’lumli tenglamani yechish imkonini beradi.

Buning uchun:

1) noma’lum qatnashgan hadlarni tenglikning chap qismiga, noma’lum qatnashmagan hadlarni esa o‘ng qismiga o‘tkazish lozim (1-xossa);

2) o‘xshash hadlarni ixchamlash kerak;

3) tenglamaning ikkala qismini noma’lum oldida turgan koeffitsiyentga bo‘lish kerak (2-xossa).

TASVIR

Ko‘rib chiqilgan misollarda har bir tenglama bitta ildizga ega bo‘ladi. Ammo ba’zi hollarda bir noma’lumli tenglama ildizlarga ega bo‘lmasligi mumkin yoki cheksiz ko‘p ildizlarga ega bo‘lishi mumkin. Shunday tenglamalarga misol keltiramiz.

4- masala. 2(x+1)–1=3–(1–2x) tenglama ildizlarga ega emasligini ko‘rsating.

Tenglamaning ikkala qismini soddalashtiramiz:

2x+2–1=3–1+2x, 2x+1=2+2x,

bundan

2x–2x=2–1, 0 ^. x=1.

Bu tenglama ildizlarga ega emas, chunki uning 0 ^. x dan iborat chap qismi nolga teng, o‘ng qismi esa 1 ga teng, ammo 0 ga teng emas.

Javob: tenglama yechimga ega emas.

5- masala. 3(1–x)+2=5–3x tenglama cheksiz ko‘p yechimlarga ega ekanligini ko‘rsating.

Tenglamani soddalashtiramiz: 3–3x+2=5–3x; 5–3x=5–3x. Oxirgi tenglik x ning istagan qiymatida to‘g‘ri bo‘ladi. Demak, x ning istagan qiymati bu tenglamaning ildizi bo‘ladi.

Javob: tenglama cheksiz ko‘p yechimga ega.

O'ZINGIZ KO'RING

     TAYANCH   TUSHUNCHALAR:

1-xossa, 2-xossa, bir noma'lumli tenglamani yechish usuli.