TARIXIY MA’LUMOTLAR
Yurtdoshimiz buyuk matematik va
astronom olim Abu Abdulloh Muhammad ibn Muso al-Xorazmiy (783—850) ning arifmetik
(“Algorizmi hind hisobi haqida”) va algebraik (“Al-jabr val-muqobala”) asarlari
matematikaning rivojiga nihoyatda kuchli ta’sir ko‘rsatdi. Bu asarlar ko‘p tillarga tarjima qilindi, asrlar davomida matematikan
asosiy qo‘llanma bo‘lib xizmat qildi.
“Algorizmi hind hisobi haqida” risolasining XII asr boshidagi lotincha tarjimasi Angliyaning Kembrij
universitetida saqlanadi. Al-Xorazmiyning bu asari tufayli
Yevropaga o‘nli sanoq sistemasi kirib borgan.
Xorazmiy algebrasi — «Al-jabr
val-muqobala hisobi haqida qisqacha kitob» asarining arabcha nusxasi
Oksford universitetining Bodleyan kutubxonasida saqlanadi.
Risola uch qismdan iborat:
1) algebraik qism; 2)
geometrik qism; 3) vasiyatlar haqidagi qism (Xorazmiy uni «Vasiyatlar kitobi»
deb atagan). Al-Xorazmiy risolasida barcha masalalarning bayoni va yechimlari so‘zlar bilan beriladi, hech qanday
belgilashlar, harfiy ifodalar ishlatilmaydi. Al-Xorazmiy yozadi: «... Men
arifmetikaning oddiy va murakkab masalalarini o‘z ichiga
oluvchi «Al-jabr val-muqobala hisobi haqida qisqacha kitob»ni ta’rif qildim,
chunki meros taqsim qilishda, vasiyatnoma tuzishda, mol taqsimlashda va adliya
ishlarida, savdoda va har qanday bitimlarda va, shuningdek, yer o‘lchashda,
ariqlar o‘tkazishda, muhandislikda va boshqa shunga o‘xshash turlicha ishlarda
kishilar uchun bu zarurdir». Binobarin, olim o‘zining bu asarini kundalik hayot
talabi va ehtiyojlariii hisobga olgan holda yozgan.